Fréttasafn (Síða 16)

Við tókum á móti liðlega 1000 eldri borgurum víðsvegar af höfuðborgarsvæðinu á lokaæfingu fyrir Vínartónleika hljómsveitarinnar. Leikin var Vínartónlist og dúettar í flutningi Dísellu Lárusdóttur og Jóhanns Kristinsonar auk þess sem dansarar stigu á svið. Frá árinu 2012 hefur eldri borgurum reglulega verið boðið á lokaæfingu fyrir tónleikana sem nýtur alltaf jafn mikilla vinsælda.

Söngkonan Dísella Lárusdóttir stígur á svið á Vínartónleikum hljómsveitarinnar ásamt Jóhanni Kristinssyni. Af óviðráðanlegum orsökum getur Álfheiður Erla Guðmundsdóttir ekki komið fram eins og til stóð.

Skrifstofa Sinfóníuhljómsveitar Íslands er lokuð frá 23. desember til 2. janúar.

Í mars heldur Sinfóníuhljómsveit Íslands bíótónleika þar sem kvikmyndin Harry Potter og leyniklefinn™ verður sýnd í Eldborg við lifandi tónlistarflutning hljómsveitarinnar. Alls verða fjórar sýningar; 22., 23. og 24. mars kl. 19.00 og 25. mars kl. 14.00. 

Miða á tónleikana má kaupa hér á vefnum og í miðasölu Hörpu. Hægt er að fá miðana afhenta í töfrandi gjafaumbúðum í miðasölu Hörpu – Tilvalin gjöf!

Í vikunni hélt Sinfóníuhljómsveit Íslands jólastundir fyrir einstök börn. Jólastundirnar voru fjórar talsins þar sem hljómsveitin spilaði fyrir nemendur úr Klettaskóla, Arnarskóla, Hlíðaskóla, leikskólanum Sólborg, skóladeild Laufásborgar og fyrir skjólstæðinga Blindrafélagsins.

Sinfóníuhljómsveit Íslands heldur í sína árlegu jólaferð um borg og bý fimmtudaginn 8. desember næstkomandi. 

Með gjafakorti Sinfóníuhljómsveitar Íslands geta tónlistarunnendur á öllum aldri valið tónleika úr dagskár Sinfóníunnar, t.d. hátíðlega Vínartónleika, Harry Potter kvikmyndatónleika, Carmina Burana eða hvað sem hæfir áhuga og smekk.

Kaupa gjafakort

Umsóknarfrestur er til og með 5. desember 2022.

Sinfóníuhljómsveit Íslands óskar eftir að ráða umsjónarmann nótna í fullt starf. 

Sinfóníuhljómsveit Íslands fer í tónleikaferð til Bretlands í apríl og heldur sjö tónleika undir stjórn Evu Ollikainen, aðalhljómsveitarstjóra sveitarinnar. Einleikari í ferðinni verður Stephen Hough, sem er jafnan talinn í hópi virtustu og fjölhæfustu píanóleikara samtímans. 

Fyrsti fundur nýstofnaðs listráðs ungmenna í Ungsveit Sinfóníuhljómsveitar Íslands fór fram þriðjudaginn 25. október. Umræðuefni á fundinum var verkefnaval sveitarinnar að ári og fyrirkomulag prufuspila.