Fréttasafn (Síða 15)

Daniil Trifonov er heimsþekkur píanisti og einn eftirsóttasti einleikari veraldar. Hann kemur nú fram á Íslandi, bæði með Sinfóníuhljómsveit Íslands og á einleikstónleikum í Eldborg. 

Á hverju starfsári heldur Sinfóníuhljómsveit Íslands fjölmarga skólatónleika þar sem nemendum, allt frá leikskólaaldri til framhaldsskólanema, er boðið fjölbreytta tónleika. Skólatónleikar hljómsveitarinnar hafa vakið verðskuldaða eftirtekt þar sem tónverk hverra tónleika eru sniðin að ákveðnum aldurshópi. 

Anna Þorvaldsdóttir hefur verið staðartónskáld Sinfóníuhljómsveitar Íslands frá árinu 2018. Hún er áhrifavaldur á sviði samtímatónsmíða og verk hennar eru flutt af fremstu hljómsveitum og tónlistarfólki heims. Nægir þar að nefna fílharmóníusveitirnar í Berlín, Los Angeles og New York. Verk Önnu verða ofarlega á baugi hjá Sinfóníuhljómsveit Íslands á starfsárinu, í Hörpu sem og á tónleikaferð hljómsveitarinnar til Bretlands.

Fyrstu tvö ár Evu Ollikainen í hlutverki aðalhljómsveitarstjóra hafa verið óvenjuleg – af ástæðum sem flestum eru kunnar. „Ég hlakka óskaplega til að eiga heilt starfsár með hljómsveitinni og geta raunverulega fylgt eftir þeirri dagskrá sem ákveðin hefur verið, því hún er óvenjulega spennandi,“

Þrennir skólatónleikar fóru fram í dag og í gær þar sem tónleikagestir fengu að kynnast töfrum jarðar og alheimsins. Ríflega 2000 börn frá leikskólum landsins heimsóttu okkur í Eldborg og héldu af stað í magnað ferðalag undir leiðsögn Sævars Helga Bragasonar.

Á Menningarnótt í Reykjavík 2022 býður Sinfóníuhljómsveit Íslands á tvenna tónleika. Aðgangur á tónleikana er ókeypis, hægt er að sækja miða á sinfonia.is eða í miðasölu Hörpu á tónleikadegi frá kl. 11.00. Öll eru velkomin á meðan húsrúm leyfir.

Kæru tónleikagestir.

Framundan er takmarkalaust starfsár Sinfóníuhljómsveitar Íslands. Við hlökkum mikið til að taka aftur á móti ykkur öllum í tónleikasal þar sem við getum notið tónlistar saman, séð gleðina í andlitum annarra og rætt við þá sem sitja næst okkur. 

Skrifstofa Sinfóníuhljómsveitar Íslands verður lokuð í júlí vegna sumarleyfa. Miðasalan er opin í Hörpu alla daga kl. 10-18, en einnig má hafa samband á sama tíma í síma 528-5050 eða með tölvupósti á midasala@harpa.is.

Breski píanóleikarinn Stephen Hough er nýr listamaður í samstarfi við Sinfóníuhljómsveit Íslands en Hough kemur tvisvar fram með hljómsveitinni í Hörpu á komandi starfsári og heldur einleikstónleika í föstudagsröðinni auk þess að vera einleikari á tónleikaferð Sinfóníunnar um Bretland vorið 2023. Fyrir í stöðu listamanns í samstarfi er Daníel Bjarnason, tónskáld og hljómsveitarstjóri, og heldur hann samstarfi sínu við Sinfóníuhljómsveit Íslands áfram.

Sæunn Þorsteinsdóttir sellóleikari verður staðarlistamaður Sinfóníuhljómsveitar Íslands á komandi starfsári og vinnur að fjölbreyttum verkefnum með hljómsveitinni, þar með talið frumflutningi á nýjum sellókonserti eftir Veronique Vöku.