Fréttasafn (Síða 14)

Í síðustu viku var Sinfóníuhljómsveit Íslands afhent hljómborðsklukkuspil að gjöf. Hljóðfærið er tileinkað minningu Önnu Guðnýjar Guðmundsdóttur píanóleikara sem lést 11. september 2022. Hljómborðsklukkuspil hefur hingað til ekki verið tiltækt á Íslandi og er mikill fengur að gjöfinni.

Í vikunni heldur Sinfóníuhljómsveit Íslands fimm skólatónleika og á von á allt að fjögurþúsund grunnskólanemum í heimsókn á miðvikudag, fimmtudag og föstudag í Eldborg. Á tónleikunum flytur hljómsveitin Ævintýrið um töfraflautuna eftir Mozart í styttri gerð en verkið er ein dáðasta ópera sögunnar.

Páll Pampichler Páls­son hljóm­sveit­ar­stjóri og tón­skáld lést 10. febrúar sl. í fæðingarborg sinni Graz í Austurríki á 95. ald­ursári. Við erum einstaklega þakklát fyrir framlag Páls til Sinfóníuhljómsveitar Íslands og íslenskrar menningar. 

Sinfóníuhljómsveit Íslands hefur endurnýjað samning sinn við Evu Ollikainen sem gegnt hefur stöðu aðalhljómsveitarstjóra og listræns stjórnanda síðastliðin þrjú ár. Samningurinn hefur verið framlengdur til loka starfsársins 2025-26. 

Anna Guðný Guðmundsdóttir, píanóleikari Sinfóníuhljómsveitar Íslands um árabil, átti sér þann draum að hljómsveitin eignaðist hljómborðsklukkuspil (Keyboard Glockenspiel/Klavierglockenspiel). Það er því afar ánægjulegt að Frank Aarnink slagverksleikari sveitarinnar ákvað að ganga í málið og fékk Vinafélag Sinfóníuhljómsveitar Íslands til samstarfs um söfnun fyrir hljóðfærinu sem verður fært hljómsveitinni að gjöf til minningar um Önnu Guðnýju.

Vinafélag Sinfóníuhljómsveitar Íslands býður áhugasömum upp á hópferð til Edinborgar á tónleika Sinfóníuhljómsveitar Íslands í hinu glæsilega tónlistarhúsi Usher Hall í Edinborg 23. apríl kl. 15:00.

Út er kominn nýr tvöfaldur safndiskur með Sinfóníuhljómsveit Íslands þar sem Hallfríður Ólafsdóttir er í einleikshlutverkinu. Diskurinn hefur að geyma ellefu fjölbreytt verk frá ýmsum tímum þar sem flautan er í öndvegi. 

Lesa meira

Prufuspil fyrir þátttöku í Ungsveit Sinfóníuhljómsveitar Íslands 2023 verða haldin í Hörpu 27., 28., og 29. mars næstkomandi. Umsókn um þátttöku í prufuspilinu er opin öllum tónlistarnemendum sem lokið hafa miðprófi.

Sinfóníuhljómsveit Íslands heldur nú í þriðja sinn námskeið í Hljómsveitarstjóra-akademíu SÍ undir stjórn og leiðsögn Evu Ollikainen aðalhljómsveitarstjóra. Akademían er fyrst og fremst vettvangur fyrir unga og efnilega tónlistarnema sem lokið hafa miðprófi hið minnsta í hljóðfæraleik eða söng. Mikill fjöldi umsókna barst að þessu sinni og hafa 7 nýnemar verið teknir inn í Akademíuna og aðrir 5 halda áfram frá fyrra ári.

 Lesa meira 

Seinni umferð Ungra einleikara 2023 lauk nú í janúar en keppnin var nú haldin í tuttugasta sinn. Ungir einleikarar er samstarfsverkefni LHÍ og Sinfóníuhljómsveitar Íslands en sigurvegarar keppninnar fá tækifæri til þess að flytja einleik á Eldborgarsviði Hörpu ásamt Sinfóníuhljómsveitinni.