Fréttasafn: 2024 (Síða 3)

Stjórn Sinfóníuhljómsveitar Íslands óskar eftir að ráða metnaðarfullan og drífandi leiðtoga í starf framkvæmdastjóra. Viðkomandi þarf að búa yfir reynslu á sviði stjórnunar, framúrskarandi samskiptahæfileikum og áhuga á sviði tónlistar. 

Lesa meira

Stjórn Listahátíðar í Reykjavík hefur ákveðið að ráða Láru Sóleyju Jóhannsdóttur í stöðu listræns stjórnanda Listahátíðar í Reykjavík frá komandi hausti til fjögurra ára.

Umsóknarfrestur er til 18. júlí 2024.

Hæfnispróf fer fram 3. september 2024 í Hörpu.

Skrifstofa Sinfóníuhljómsveitar Íslands verður lokuð í júlí vegna sumarleyfa. Miðasalan er opin í Hörpu alla daga kl. 10-18, en einnig má hafa samband á sama tíma í síma 528-5050 eða með tölvupósti á midasala@harpa.is.

Ólafur Kjartan Sigurðarson er staðarlistamaður Sinfóníuhljómsveitar Íslands starfsárið 2024/25 og mun koma fram á þrennum tónleikum með hljómsveitinni á starfsárinu. Hann stendur nú á hátindi ferils síns og hefur síðustu ár sungið burðarhlutverk í mögum af virtustu óperuhúsum heims.

Endurnýjun og sala nýrra áskrifta- og Regnbogakorta fyrir starfsárið 2024/25 hefst fimmtudaginn 13. júní hér á vef hljómsveitarinnar og í miðasölu Hörpu.

Tryggvi M. Baldvinsson hefur verið ráðinn í starf listræns ráðgjafa hjá Sinfóníuhljómsveit Íslands.

Í október mun bandaríski sellóleikarinn Yo-Yo Ma leika með Sinfóníuhljómsveit Íslands á tónleikum í Hörpu og á sérstökum dúótónleikum í Eldborg með breska píanistanum Kathryn Stott. Yo-Yo Ma er einn þekktasti núlifandi hljóðfæraleikari heims og er koma hans því sannkallaður stórviðburður í íslensku tónlistarlífi.

Daníel Bjarnason hljómsveitarstjóri og Sinfóníuhljómsveit Íslands hljóta þrjár tilnefningar til hinna virtu þýsku OPUS KLASSIK verðlauna fyrir diskinn A Prayer to the Dynamo sem geymir verk Jóhanns Jóhannssonar. Diskurinn kom út hjá Deutsche Grammophon síðasta haust.

Kanadíski hljómsveitarstjórinn og söngkonan Barbara Hannigan hefur verið ráðin aðalhljómsveitarstjóri og listrænn stjórnandi Sinfóníuhljómsveitar Íslands. Hún mun taka við stöðunni í ágúst 2026 og gegna henni í þrjú starfsár.