Fréttasafn: 2024 (Síða 2)

Stjórn Sinfóníuhljómsveitar Íslands hefur ráðið Guðna Tómasson í stöðu framkvæmdastjóra Sinfóníuhljómsveitar Íslands frá og með 6. nóvember 2024. Ráðið er í starfið til fjögurra ára í senn.

Kvika eignastýring og Sinfóníuhljómsveit Íslands hafa framlengt samstarfssamning sinn til næstu ára en Kvika eignastýring hefur verið bakhjarl hljómsveitarinnar frá árinu 2021. Hannes Frímann Hrólfsson framkvæmdastjóri Kviku eignastýringar og Lára Sóley Jóhannsdóttir framkvæmdastjóri hljómsveitarinnar skrifuðu nýverið undir samkomulagið í Hörpu.

Hljóðritun frá tónleikum Sinfóníuhljómsveitar Íslands fimmtudaginn 24. október síðastliðinn með sellóleikaranum Yo-Yo Ma er aðgengileg í nokkra daga inni á spilara RÚV. Athugið að einungis er hægt að hlusta á upptökuna innanlands. 

Hér má hlusta á upptökuna 

Þetta er langþráður draumur allra sellóleikara á Íslandi,“ segir Sigurgeir Agnarsson, inntur eftir því hvernig honum lítist á fyrirhugaða heimsókn sellóleikarans og stórstjörnunnar Yo-Yo Ma, sem staðið hefur á hátindi klassíska heimsins um áratugaskeið. „Ég held þetta hafi oft staðið til, oft verið rætt um hvernig hægt væri að koma þessu í kring. Það er frábært að það hafi loks tekist!“

Hljómsveitarstjórinn Tomáš Hanus tekur við stöðu aðalgestastjórnanda Sinfóníuhljómsveitar Íslands næsta haust og mun gegna því hlutverki starfsárin 2025-26 og 2026-27. Hann mun stjórna hljómsveitinni á tvennum tónleikum í Eldborg á hvoru starfsári.

Í október mun bandaríski sellóleikarinn Yo-Yo Ma leika með Sinfóníuhljómsveit Íslands á tónleikum í Hörpu og á sérstökum dúótónleikum í Eldborg með breska píanistanum Kathryn Stott. Yo-Yo Ma er einn þekktasti núlifandi hljóðfæraleikari heims og er koma hans því sannkallaður stórviðburður í íslensku tónlistarlífi. 

Sinfóníuhljómsveit Íslands býður nemendum á ferna skólatónleika í Eldborg á þriðjudag og miðvikudag þar sem flutt verður Ástarsaga úr fjöllunum eftir Guðrúnu Helgadóttur. Í framhaldi heldur hjómsveitin í tónleikaferð með tröllunum til Reykjanesbæjar og heldur þar þrenna skólatónleika í Hljómahöllinni.

Nánar

Ólafur Kjartan Sigurðarson barítón stendur á hátindi ferils síns og hefur síðustu ár sungið burðarhlutverk í mörgum af virtustu óperuhúsum heims. Hann er staðarlistamaður Sinfóníuhljómsveitar Íslands á starfsárinu og blæs sem slíkur til glæsilegrar Wagner veislu og óperugalatónleika.

Sinfóníuhljómsveit Íslands verður 75 ára vorið 2025 og fagnar tímamótunum með viðamiklum afmælistónleikum í mars. Aðalstjórnandi hljómsveitarinnar, Eva Ollikainen, segir þó afmælisfögnuðinn eins og rauðan þráð gegnum allt starfsárið, enda tónleikadagskráin óvenju glæsileg.

Lesa meira

Umsóknarfrestur til 27. september 2024.

Hæfnispróf fer fram 5. nóvember 2024 í Hörpu.