2015 (Síða 4)

Tónleikar Sinfóníuhljómsveitar Íslands og hljómsveitarinnar Skálmöld í Eldborg í nóvember 2013 voru tónlistarviðburður ársins í flokki popp- og tokktónlistar á Íslensku tónlistarverðlaununum sem afhent voru föstudaginn 20. febrúar.

Daníel Bjarnason hefur verið ráðinn í stöðu staðarlistamanns Sinfóníuhljómsveitar Íslands og mun hann gegna margþættu hlutverki sem hljómsveitarstjóri og tónskáld ásamt því að sitja í verkefnavalsnefnd hljómsveitarinnar og stýra tónskáldastofu.

Nýverið var tilkynnt að verkefnið um Maxímús Músíkús, sem slegið hefur í gegn hérlendis og verið sett á svið víða um heim, væri tilefnt til YEAH-verðlaunanna 2015. Þau eru veitt sem fyrir bestu tónlistarverkefni í Evrópu ætluð ungu fólki. Yfir 100 verkefni frá tuttugu Evrópulöndum sóttust eftir tilnefningu að þessu sinni en aðeins 15 hlutu tilnefningu.

Nær uppselt er á tvenna tónleika Sinfóníuhljómsveitar Íslands með færeysku söngkonunni Eivøru og hljómsveit hennar. Því hefur þriðju tónleikunum verið bætt við kl. 22 fimmtudaginn 26. febrúar.

Öðru sinni á starfsárinu tekur Sinfóníuhljómsveit Íslands á móti þúsundum skólabarna á sérstökum tónleikum. Að þessu sinni er tónlistin helguð hetjum og valkyrjum og á efnisskránni eru meðal annars að finna nýtt tónverk Huga Guðmundssonar um Djáknan á Myrká auk þekktari stefja úr kvikmyndum á borð við Indiana Jones og Múlan.

Sinfóníuhljómsveit Ísland hefur auglýst stöður leiðara í 2. fiðlu og fiðluleikara lausar til umsóknar. Hæfnispróf verða haldin í Hörpu í apríl lok.

Óperan Peter Grimes eftir enska tónskáldið Benjamin Britten verður frumflutt á Íslandi þann 22. maí næstkomandi á Listahátíð í Reykjavík. Um er ræða umfangsmikla tónleikauppfærslu í Eldborg sem er samstarfsverkefni Sinfóníuhljómsveitar Íslands, Íslensku óperunnar, Hörpu og Listahátíðar í Reykjavík. Tvær erlendar stórstjörnur úr heimi óperunnar syngja aðalhlutverkin, Stuart Skelton í titilhlutverkinu og Susan Gritton í hlutverki Ellen Orford.   

ð læknisráði hefur Tine Thing Helseth þurft að aflýsa komu sinni til Íslands, en hún átti að leika einleik með Sinfóníuhljómsveit Íslands 5. mars nk. Það er þó lán í óláni að í stað hennar kemur sænski trompetleikarinn Håkan Hardenberger, sem er einn mesti trompetsnillingur samtímans. Hann hefur komið fram með nær öllum helstu hljómsveitum heims, meðal annars Fílharmóníuhljómsveitunum í Vínarborg, Berlín og New York, og hefur pantað ótal nýja trompetkonserta sem vakið hafa mikla athygli.

Hljómsveitarnámskeið Ungsveitar Sinfóníuhljómsveitar Íslands stendur frá mánudeginum 7. september til sunnudagsins 4. október. Að þessu sinni verður verkefni hljómsveitarinnar sinfónía nr. 10 eftir Shostakovitsj. Prufuspil fara fram dagana 19. og 20. mars.