2016

Hátt í 300 tónlistarmenn og -nemar stíga á svið á Jólatónleikum Sinfóníunnar í ár. Tónleikarnir hafa um árabil verið túlkaðir á táknmáli. Með því leitast hljómsveitin við að opna heim tónlistarinnar fyrir enn fleirum.

Í nóvember snýr St. Petersburg Festival Ballet aftur í Hörpu og sýnir Hnotubrjótinn við tónlist Pjotrs Tsjajkvoskíj. Hnotubrjóturinn er einn allra vinsælasti ballet sögunnar en flokkurinn flutti verkið hér á landi fyrir tveimur árum og vakti mikla lukku áhorfenda. Hnotubrjóturinn er ómissandi hluti af jóladagskrá margra tónleikahúsa erlendis og börn jafnt sem fullorðnir hlakka árlega til þess að njóta uppfærslunnar. 

Fjórir urðu hlutskarpastir í einleikarakeppni Sinfóníuhljómsveitar Íslands og Listaháskóla Íslands að þessu sinni og hljóta að launum tækifæri á að koma fram á tónleikum Sinfóníuhljómsveitarinnar í Eldborg Hörpu þann 12. janúar. Það voru þær Auður Edda Erlendsdóttir, klarínettuleikari, Herdís Mjöll Guðmundsdóttir, fiðluleikari, Hrafnhildur Marta Guðmundsdóttir, sellóleikari og Jóna G. Kolbrúnardóttir, sópran.

Verkin sem verða tekin upp í fyrstu eru: Emergence eftir Daníel, Flow and Fusion efrir Þuríði og Aequora Maríu Huldar sem öll hafa hljómað á tónleikum Sinfóníunnar í nóvember, auk Dreaming eftir Önnu og nýs verks Hlyns. 

Sinfóníuhljómsveit Íslands verður á faraldsfæti næstu daga og heimsækir grunnskóla, framhaldsskóla og háskóla og leikur fyrir nemendur og starfsfólk. Að þessu sinni verða Fellaskóli, Austurbæjarskóli og Kársnesskóli heimsóttir auk þess sem Sinfóníuhljómsveitin kemur við í Fjölbrautaskólanum í Breiðholti, Fjölbrautaskólanum í Garðabæ, Menntaskólanum í Kópavogi og Háskóla Íslands.

Choralis, nýr hljómdiskur með hljómsveitarverkum Jóns Nordals í flutningi Sinfóníuhljómsveitar Íslands, er kominn út. Það er Ondine í Finnlandi sem gefur út.

Um 80 ungmenni starfa nú með Ungsveit Sinfóníuhljómsveitar Íslands sem heldur tónleika sunnudaginn 25. september undir stjórn norska hljómsveitarstjórans Eivinds Aadland.

Dagana 14.-16. september verður haldin í Hörpu árleg ráðstefna framkvæmdastjóra og helstu stjórnenda sinfóníuhljómsveita á Norðurlöndum. Sinfóníuhljómsveit íslands er gestgjafi að þessu sinni en ráðstefnan er nú haldin í fertugasta skipti. Ráðstefnugestir eru um sjötíu talsins og koma frá öllum Norðurlöndum. 

GAMMA Capital Management og Sinfóníuhljómsveit Íslands gengu frá samstarfssamningi í dag þess efnis að GAMMA verður áfram aðalstyrktaraðili Sinfóníuhljómsveitar Íslands. Samningurinn gildir til september 2020 og styrkir GAMMA hljómsveitina um tæplega 90 milljónir króna næstu fjögur ár.