Fréttasafn: 2023 (Síða 4)

Sinfóníuhljómsveit Íslands er komin heim eftir frábæra tónleikaferð um Bretland. Hljómsveitin hélt alls sjö tónleika í jafnmörgum borgum í ferðinni og voru tónleikasalirnir með þeim helstu í Bretlandi. 

Sinfóníuhljómsveit Íslands auglýsir lausa til umsóknar stöðu píanóleikara með skyldu á selestu og hljómborð.

Hæfnispróf fer fram 30. maí 2023 í Hörpu. 

Íslensku tónlistarverðlaunin fara fram í kvöld en margir samverkamenn Sinfóníuhljómsveitar Íslands eru tilnefndir í ár.

Barbara Hannigan er væntanleg til Íslands á ný og heldur tvenna tónleika með Sinfóníuhljómsveit Íslands í Hörpu í Reykjavík 15. júní og í Hofi á Akureyri 16. júní.

Á efnisskrá tónleikanna verða þrjú hrífandi tónverk þar sem ljóðræna og leikgleði Barböru Hannigan fá að njóta sín jafnt í söng og hljómsveitarstjórn.

Sinfóníuhljómsveit Íslands auglýsir lausa til umsóknar stöðu leiðara í básúnudeild.

Hæfnispróf fer fram 10. maí 2023 í Hörpu.

Komin er út ný plata með Laufeyju og Sinfóníuhljómsveit Íslands á Spotify. Platan ber heitið A Night At The Symphony og á henni eru 14 lög sem tekin voru upp á tónleikunum með hljómsveitinni í lok október undir stjórn Hough Brunt.

Í síðustu viku var Sinfóníuhljómsveit Íslands afhent hljómborðsklukkuspil að gjöf. Hljóðfærið er tileinkað minningu Önnu Guðnýjar Guðmundsdóttur píanóleikara sem lést 11. september 2022. Hljómborðsklukkuspil hefur hingað til ekki verið tiltækt á Íslandi og er mikill fengur að gjöfinni.

Í vikunni heldur Sinfóníuhljómsveit Íslands fimm skólatónleika og á von á allt að fjögurþúsund grunnskólanemum í heimsókn á miðvikudag, fimmtudag og föstudag í Eldborg. Á tónleikunum flytur hljómsveitin Ævintýrið um töfraflautuna eftir Mozart í styttri gerð en verkið er ein dáðasta ópera sögunnar.

Páll Pampichler Páls­son hljóm­sveit­ar­stjóri og tón­skáld lést 10. febrúar sl. í fæðingarborg sinni Graz í Austurríki á 95. ald­ursári. Við erum einstaklega þakklát fyrir framlag Páls til Sinfóníuhljómsveitar Íslands og íslenskrar menningar. 

Sinfóníuhljómsveit Íslands hefur endurnýjað samning sinn við Evu Ollikainen sem gegnt hefur stöðu aðalhljómsveitarstjóra og listræns stjórnanda síðastliðin þrjú ár. Samningurinn hefur verið framlengdur til loka starfsársins 2025-26.