2022 (Síða 2)

Víkingur Heiðar Ólafsson frumflytur á Íslandi glænýjan píanókonsert Daníels Bjarnasonar í beinni sjónvarpsútsendingu frá Eldborg næstkomandi miðvikudagskvöld kl. 20. Konsertinn ber heitið FEAST og var frumfluttur í Walt Disney-tónleikahöllinni í Los Angeles þann 18. febrúar síðastliðinn.

Tveir helstu einsöngvarar Íslands koma fram á Vínartónleikum okkar í ár, þau Herdís Anna Jónasdóttir og Gissur Páll Gissurarson. Þau flytja aríur og dúetta úr óperettum eftir Strauss, Zeller og Kálman, auk þess sem margir skemmtilegir valsar og polkar eru á efnisskránni.

Vínartónleikar eru einir líflegustu og skemmtilegustu tónleikar ársins – fáðu þér sæti!

Sökum samfélagsaðstæðna var Sinfóníuhljómsveit Íslands ekki unnt að flytja Töfraflautuna eftir Mozart eins og til stóð vikuna 7.-12. febrúar. Skólatónleikum og fjölskyldutónleikum sem fyrirhugaðir voru í byrjun febrúar er frestað fram á næsta starfsár 2022-2023. Tónleikarnir verða auglýstir á vef hljómsveitarinnar þegar dagsetning liggur fyrir og þurfa kennarar og skólastjórnendur að endurbóka sína hópa á viðburðinn þegar þar að kemur.

Í byrjun janúar reyndist óhjákvæmilegt að fresta eða aflýsa tónleikum hljómsveitarinnar sem upphaflega voru á dagskrá í janúar og febrúar. Það gleður okkur að í ljósi nýjustu afléttinga á samkomutakmörkunum getur hljómsveitin nú haldið tónleikana Shostakotvisj og Barber 17. febrúar og Vínartónleika 24.-26. febrúar.

Fögnum saman nýju tónlistarári!

Sinfóníuhljómsveit Íslands þurfti að fresta eða aflýsa fyrirhuguðum tónleikum sínum í janúar og febrúar vegna stöðu heimsfaraldursins.

Það gleður okkur þó að geta sagt frá því að hljómsveitin mun koma saman á ný og halda tvenna hádegistónleika á næstu vikum, Wagner og Mozart fimmtudaginn 3. febrúar og Mozart og Beethoven fimmtudaginn 10. febrúar.

Sinfóníuhljómsveit Íslands leitar að mannauðsstjóra. Við leitum að skipulögðum, drífandi og öflugum leiðtoga sem hefur góða reynslu og brennandi áhuga á fólki og mannauðsmálum. Umsóknarfrestur er til og með 10. febrúar nk.

Í ljósi mikillar útbreiðslu kórónuveirunnar og hertra samkomutakmarkana reynist óhjákvæmilegt að fresta eða aflýsa tónleikum og viðburðum Sinfóníuhljómsveitar Íslands sem ráðgerðir voru í janúar og febrúar. Nýjar dagsetningar fyrir þá tónleika sem frestað var verða kynntar á næstu dögum.

Prufuspil fyrir þátttöku í Ungsveit Sinfóníuhljómsveitar Íslands 2022 verða haldin í Hörpu mánudaginn 21. og þriðjudaginn 22. mars 2022. Umsókn um þátttöku í prufuspilinu er opin öllum tónlistarnemendum sem lokið hafa miðprófi.

Í ljósi mikillar útbreiðslu kórónuveirunnar og hertra samkomutakmarkana reynist óhjákvæmilegt að aflýsa eða fresta öllum tónleikum og viðburðum Sinfóníuhljómsveitar Íslands sem ráðgerðir voru í janúar og febrúar. 

Vegna heimsfaraldursins og afleiðinga hans reyndist óhjákvæmilegt að aflýsa fyrirhuguðum sýningum á Valkyrjunni eftir Wagner, uppfærslu Sinfóníuhljómsveitar Íslands og Íslensku óperunnar í samstarfi við Listahátíð í Reykjavík sem fara átti fram í Hörpu 24. og 26. febrúar 2022.