2020 (Síða 3)

Framundan er spennandi, fjölbreytt og metnaðarfullt starfsár 2020/21 og er undirbúningur þess kominn langt á veg. Vegna óvenjulegra aðstæðna verður dagskráin ekki kynnt fyrr en í lok ágúst áður en endurnýjun og sala nýrra áskrifta hefst.

Gengið hefur verið frá ráðningu í stöður viðburða- og skipulagsstjóra og verkefnastjóra viðburða hjá Sinfóníuhljómsveit Íslands. Um 40 umsóknir bárust um hvora stöðu fyrir sig. Halla Oddný Magnúsdóttir var ráðin í starf viðburða- og skipulagsstjóra og Valdís Þorkelsdóttir starf verkefnastjóra.

Sinfóníuhljómsveit Íslands auglýsi lausar til umsóknar tvær nýjar stöður hjá hljómsveitinni, stöðu viðburða og skipulaggstjóra og verkefnastjóra viðburða. Nánar um stöðurnar má lesa hér á vef hljómsveitarinnar en umsóknarfrestur er til og með 31. júlí nk.

Aðalfundur Vinafélags Sinfóníuhljómsveitar Íslands verður haldinn á veitingastaðnum Bergmáli í Hörpu föstudaginn 19. júní 2020 kl. 16. Allir eru velkomnir og eru þeir sem vilja taka virkan þátt í starfi félagsins hvattir til að mæta.

Sinfóníuhljómsveit Íslands auglýsir lausar til umsóknar stöður leiðara í flautudeild frá og með hausti 2020, fiðluleikara í 1. fiðlu og tímabundna stöðu fiðluleikara frá og með hausti 2020 auk stöðu uppfærslumanns í víóludeild frá og með janúar 2021.

Í ljósi rýmkunar á samkomubanni getur Sinfónían nú aftur tekið á móti gestum í Eldborg. Í samræmi við sóttvarnarlög og til að tryggja öryggi gesta hefur Eldborg verið skipt upp í nokkur fjöldatakmörkuð svæði og því er takmarkað sætaframboð.

Miðasala á sjónvarpstónleika Páls Óskars og Sinfó er þegar hafin hér á vef hljómsveitarinnar. Miðasala á tónleika Víkings Heiðars og Sinfóníunnnar hefst miðvikudaginn 28. maí kl. 15.

Blásarar úr Sinfóníuhljómsveit Íslands voru á faraldsfæti í síðustu viku. Þeir hafa skipt sér upp í nokkra hópa og mættu við glugga hjá heimilum og stofnunum á höfuðborgarsvæðinu. Hóparnir komu víða við og heimsóttu meðal annars almannavarnir í Skógarhlíð, dvalarheimilið Sóltún, Barnaspítala Hringsins og Rauða krossinn.

Sinfóníuhljómsveit Íslands bauð börnum um land allt á skólatónleika í beinu streymi frá Hörpu á fimmtudaginn. Lilja Alfreðsdóttir Mennta- og menningarmálaráðherra ávarpaði tónleikagesti í sal og í streymi í upphafi skólatónleikanna.

Nú þegar breytingar hafa verið gerðar á samkomubanni getur hljómsveitin loks komið saman á ný. Sendir verða út fernir tónleikar í beinni sjónvarpsútsendingu á RÚV þar sem Hallveig Rúnarsdóttir, Páll Óskar Hjálmtýsson, Daníel Bjarnason, Bjarna Frímann Bjarnason og Víking Heiðar Ólafsson koma fram með hljómsveitinni.

Tónverkamiðstöð og Sinfóníuhljómsveit Íslands auglýstu í fyrsta sinn eftir umsóknum frá tónskáldum um þátttöku í Ung-Yrkju. Sjö umsóknir bárust og voru þau Hjalti Nordal, Ingibjörg Elsa Turchi og Katrín Helga Ólafsdóttir valin til þátttöku í Ung-Yrkju.