2020 (Síða 4)

Á tímum samkomubanns býður hljómsveitin upp á reglulegar heimsendingar til landsmanna. Fimmtudagskvöld eru áfram Sinfóníukvöld og verður völdum tónleikum sjónvarpað á RÚV og hér á vef sveitarinnar. Vinsælar heimsendingar Sinfó á samfélagsmiðlum halda áfram og hljómsveitin tekur þátt í beinu streymi í samvinnu við Hörpu og Íslensku óperuna kl. 11:00 flesta morgna á meðan samkomubann varir.

Harpa, Sinfóníuhljómsveit Íslands og Íslenska óperan taka höndum saman og bjóða upp á lifandi tónlistarstreymi úr Eldborg kl. 11:00 flesta morgna á meðan samkomubann varir. Tónleikar vara í um 20–30 mínútur og verður streymt í beinni á YouTube-rás Hörpu og á menningarvef RÚV.

Þar sem samkomubann hefur verið sett á mun Sinfóníuhljómsveit Íslands, eins og aðrar sviðslistastofnanir fresta eða aflýsa viðburðum. Athugið að miðahafar geta fært aðgöngumiða sína á aðra tónleika hljómsveitarinnar síðar á þessu starfsári, henti það ekki munum við endurgreiða aðgöngumiða í miðasölu Hörpu

Á meðan ekk­i er sam­komu­bann í gildi á Íslandi er mik­il­vægt að gæta vel að smit­vörnum á viðburðurðum. Almennt eigum við ekki að vera í mikilli nálægð við aðra þegar við finnum fyrir flensulíkum einkennum. 

Nánari upplýsingar má nálgast með því að smella hér.

Nýjasta plata Sinfóníuhljómsveitar Íslands, Concurrence, var valin plata ársins 2019 á Íslensku tónlistarverðlaununum í Hörpu. Concurrence er annar diskurinn af þremur sem bandaríska útgáfufyrirtækið Sono Luminus gefur út með hljómsveitinni og hefur hann fengið frábæra dóma m.a. í The New York Times, NPR, Second Inversion og Gramophone.

Í tilefni af afmæli hljómsveitarinnar er ljósmyndasýning á 1. hæð Hörpu. Þar gefur að líta fáeinar svipmyndir úr sjötíu ára sögu Sinfóníuhljómsveitar Íslands. Galdrar tónlistarinnar verða aldrei fangaðir á ljósmynd, en þó getur góð mynd verið dýrmæt heimild um einstök augnablik, mikilvæga atburði og ógleymanlega listamenn. 

Viðtal við básúnuleikarann Þórarinn Óskarsson sem lék á fyrstu tónleikum Sinfóníuhljómsveitar Íslands árið 1950 í Austurbæjarbíói. Þórarinn er ern með eindæmum og kann enn sögur af starfinu fyrstu árin en hann lék einnig á básunu þegar rússneska tónskáldið Aram Katsjatúrían kom og stýrði hljómsveitinni í Þjóðleikhúsinu 1951.

Sinfóníuhljómsveit Íslands hlaut þrjár tilnefningar til Íslensku tónlistarverðlaunanna 2019, sem flytjandi ársins, fyrir plötu ársins og tónlistarviðburð ársins. Verðlaunaafhendingin verður haldin í Hörpu miðvikudaginn 11. mars í beinni útsendingu á RÚV.

Sinfóníuhljómsveit Íslands auglýsir lausa til umsóknar stöðu uppfærslumanns í víóludeild og stöðu sellóleikara frá og með ágúst 2020.