Fréttasafn (Síða 3)

Sinfóníuhljómsveit Íslands býður upp á einstakar jólastundir í Norðurljósum 17. og 18. desember.

Gestir á jólastundunum eru nemendur úr vinaskólum hljómsveitarinnar, Klettaskóla, Arnarskóla, leikskólanum Sólborg og Laufásborg ásamt nemendum af táknmálssviði Hlíðaskóla og börnum og ungmennum í Blindrafélaginu.

Tónskáldið Jón Nordal markaði djúp spor í íslenska tónlistarsögu en hann er nú látinn á 99. aldursári. Jón var miðlægur í tónlistarlífi landsmanna um árabil, eitt ástsælasta tónskáld þjóðarinnar en líka mikilvirkur í uppbyggingarstarfi tónlistarlífsins sem skólastjóri og baráttumaður fyrir réttindum tónlistarmanna.

Hljóðfæraleikarar Sinfóníuhljómsveitar Íslands voru á ferð og flugi í síðustu viku. Þau heimsóttu Barnaspítala Hringsins, Arnarskóla, Batamiðstöðina Kleppi, Roðasali, Vitatorg, Laugaskjól, Landspítalann Hringbraut, Landakot, Seltjörn og Hrafnistu.

Í dag buðum við leikskóla- og grunnskólabörnum á tónleika þar sem Lalli töframaður töfraði Sinfóníuhljómsveitina upp úr skónum með aðstoð góðra gesta. Krakkarnir sátu á töfrateppum á gólfinu og létu fara vel um sig í hlýjunni í Norðurljósum á þessum kalda nóvembermorgni.

Sinfóníuhljómsveit Íslands óskar Barböru Hannigan til hamingju með að hljóta Musical America verðlaunin sem listamaður ársins. Þá hlaut Víkingur Heiðar Ólafsson píanóleikari einnig sömu verðlaun sem hljóðfæraleikari ársins og óskar hljómsveitin honum sömuleiðis hjartanlega til hamingju.

Liam Kaplan hefur verið fastráðinn í stöðu píanóleikara hjá Sinfóníuhljómsveit Íslands að loknu hæfnisprófi og sex mánaða reynslutímabili. Hljómsveitin býður Liam velkominn til starfa.

Umsóknarfrestur er til 13. desember 2024.
Hæfnispróf fer fram 25. febrúar 2025 í Hörpu.

Katrín Árnadóttir, fyrrum fiðluleikari Sinfóníuhljómsveitar Íslands, lést 21. október síðastliðinn. Katrín lék fyrst með hljómsveitinni aðeins 19 ára gömul, árið 1961. Hún var fastráðin frá árinu 1969 og gengdi stöðu sinni hjá hljómsveitinn til ársins 1994.

Stjórn Sinfóníuhljómsveitar Íslands hefur ráðið Guðna Tómasson í stöðu framkvæmdastjóra Sinfóníuhljómsveitar Íslands frá og með 6. nóvember 2024. Ráðið er í starfið til fjögurra ára í senn.

Kvika eignastýring og Sinfóníuhljómsveit Íslands hafa framlengt samstarfssamning sinn til næstu ára en Kvika eignastýring hefur verið bakhjarl hljómsveitarinnar frá árinu 2021. Hannes Frímann Hrólfsson framkvæmdastjóri Kviku eignastýringar og Lára Sóley Jóhannsdóttir framkvæmdastjóri hljómsveitarinnar skrifuðu nýverið undir samkomulagið í Hörpu.