Fréttasafn
2014 (Síða 2)
Fyrirsagnalisti
Eigum von á þúsundum skólabarna í heimsókn
Að venju fær Sinfóníuhljómsveit Íslands til sín fjölda skólabarna í heimsókn á hverjum vetri og eru þessara heimsóknir hluti af öflugu fræðslustarfi Sinfóníunnar. Nú er von á yngstu nemendum grunnskólana og skólahópum úr leikskóla á tónleika í Hörpu á þriðjudag og miðvikudag til að hlýða á Ástarsögu úr fjöllunum. Þessi saga Guðrúnar Helgadóttur, sem byggir á arfleifð íslenskra þjóðsagna og ævintýra, verður nú flutt af Sinfóníuhljómsveit Íslands í nýjum sinfónískum búningi undir stjórn tónskáldsins, Guðna Franzsonar. Í tónlistinni dregur Guðni upp litríkar hljóðmyndir af dulúðugum, spennandi og tregafullum heimi tröllanna og við sögusteininn situr Egill Ólafsson sem flytur ævintýrið í tali og tónum á sinn óviðjafnanlega hátt. Til að skapa tröllunum rétta umgjörð í Eldborg verður kraftmiklum tröllamyndum Brians Pilkington varpað upp meðan á flutningi stendur.
Skólahljómsveit Árbæjar og Breiðholts leikur með SÍ
Samstarfsverkefni Sinfóníuhljómsveitar Íslands og Skólahljómsveitar Árbæjar og Breiðholts hófst með heimsókn SÍ í Breiðholtsskóla síðasta vor.
Lesa meira
Hljóðprufur í Eldborg
Í september unnu sérfræðingar frá Arup, hljóðhönnuðum Hörpu, að áframhaldandi hljóðprufum fyrir Sinfóníuhljómsveit Íslands. Fundin var ný grunnstilling fyrir hljómsveitina í Eldborg og tekin sú ákvörðun að þétta hljómsveitina á sviðinu til þess að auka frekar gæði hljómburðarins. Framvegis mun Sinfóníuhljómsveitin því leika á minna sviði, nema þegar stærri verk eru flutt sem krefjast meira umfangs.
Lesa meira
Fyrirlestur Árna Heimis 1. september
Hljómsveitinni ákaft fagnað á Proms
Sinfóníuhljómsveit Íslands lek á einni þekktustu og virtustu tónlistarhátíð heims, BBC Proms, í Royal Albert Hall í Lundúnum 22. ágúst sl. Sveitin spilaði fyrir fullu húsi en salurinn tekur um 5000 manns. Á efnisskrá voru verk eftir Hauk Tómasson, Jón Leifs, Schumann og Beethoven. Hljómsveitin lék tvö aukalög eftir mikil fagnaðarlæti gesta. Tónleikunum var útvarpað beint á Rás 1 og BBC 3 og er hægt að nálgast upptökurnar á vefnum.
Sinfóníuhljómsveitin leikur á Proms 22. ágúst
Sinfóníuhljómsveit Íslands leikur á BBC Proms-tónlistarhátíðinni undir stjórn Ilans Volkov. Tónleikarnir verða haldnir í Royal Albert Hall föstudaginn 22. ágúst nk. Það er mikill heiður fyrir Sinfóníuna að vera boðið að leika á Proms sem er án efa ein allra þekktasta og virtasta tónlistarhátíð heims.
„Það ríkir mikil eftirvænting hjá hljómsveitinni enda langþráður draumur að rætast og greinilegt að margir hafa áhuga á því að heyra okkur og sjá, því það stefnir í að verða uppselt í Royal Albert Hall sem tekur rúmlega 5000 manns. Efnisskráin sem við munum leika er afar glæsileg og fjölbreytt og gefur okkur tækifæri á að sýna hvað í okkur býr. Þetta er líka heilmikil landkynning. Við leikum tvö íslensk verk, Magma eftir Hauk Tómasson og Geysi eftir Jón Leifs sem bæði lýsa íslenskum jarðhræringum í tónum. Nú er bara að vona að Bárðarbunga fari ekki að gjósa.“ Segir Arna Kristín Einarsdóttir, framkvæmdastjóri Sinfóníuhljómsveitar Íslands.
RÚV og SÍ styrkja samstarfið með nýjum samningi
RÚV og Sinfóníuhljómsveit Íslands hafa gert með sér nýjan samstarfssamning þar sem tekið er höndum saman um að efla miðlun fjölbreyttrar tónlistar til þjóðarinnar en fyrri samningur rann út fyrir nokkrum árum. Magnús Geir Þórðarson útvarpsstjóri og Arna Kristín Einarsdóttir, framkvæmdastjóri Sinfóníuhljómsveitar Íslands undirrituðu nýjan samstarfssamning fyrr í dag ásamt Þresti Helgasyni dagskrárstjóra Rásar 1 og Margréti Ragnarsdóttur, markaðs og kynningarstjóra Sinfóníunnar. Rás 1 mun senda út um þrjátíu tónleika Sinfóníuhljómsveitarinnar í vetur, flesta í beinni útsendingu. RÚV mun leggja áherslu á að kynna tónlistina sem í boði verður með margbreytilegum og áhugaverðum hætti. Tónleikar Sinfóníuhljómsveitarinnar verða nú einnig aðgengilegir á vef ruv.is og stefnt er að því að hafa streymisútsendingar af tónleikum þar sem myndupptökum er miðlað samhliða hljóðrásinni.
Staða leiðara í víóludeild auglýst
Sinfóníuhljómsveit Íslands auglýsir lausa til umsóknar stöðu leiðara í víóludeild frá og með starfsárinu 2014–15.
Hæfnispróf fer fram 2. október 2014 í Hörpu.
Einleiksverk:
1. Fyrsti kafli & kadensa úr Hoffmeister eða Stamitz konsert
2. Fyrsti kafli úr einum af eftirfarandi konsertum: Bartók, Walton eða Hindemith – Der Schwanendreher.
Hljómsveitarpartar verða aðgengilegir þátttakendum að minnsta kosti tveimur vikum fyrir hæfnisprófdag. Þátttakendur fá senda á rafrænu formi hljómsveitarparta ásamt nánari upplýsingum um staðsetningu.
Umsóknarfrestur er til 30. júlí 2014.
Lesa meira
Nýtt starfsár 2014/15 kynnt til leiks
Það er með stolti og tilhlökkun sem Sinfóníuhljómsveitin kynnir dagskrá næsta starfsárs í Hörpu. Að venju verður dagskráin afar fjölbreytt og spennandi og kemur hljómsveitin víða við. Boðið verður upp á litríka og spennandi blöndu af sígildum hljómsveitarverkum, einleikskonsertum, léttri klassík, kvikmyndatónlist og samtímatónlist, auk barna- og fjölskyldutónleika.
Framúrskarandi hljómsveitarstjórar, einleikarar og einsöngvarar koma fram með Sinfóníuhljómsveitinni. Þeirra á meðal eru Osmo Vänskä, Andrew Litton, Anna-Maria Helsing, Vladimir Ashkenazy, Rico Saccani, Pascal Rophé, Daníel Bjarnason, Santtu-Matias Rouvali, Nicola Benedetti, Barnabás Kelemen, Víkingur Heiðar Ólafsson, Eva Þórarinsdóttir, Golda Schultz og Ólafur Kjartan Sigurðarson svo aðeins fáeinir séu nefndir.
Lesa meira
Osmo Vänskä aðalgestastjórnandi næstu þrjú starfsár
Finnski hljómsveitarstjórinn Osmo Vänskä mun taka við stöðu aðalgestastjórnanda Sinfóníuhljómsveitar Íslands á starfsárinu 2014–15. Vänskä hefur stjórnað öllum helstu hljómsveitum heims og hefur verið aðalstjórnandi. Minnesota-hljómsveitarinnar frá árinu 2003. Hann hefur hlotið mikið lof fyrir starf sitt með þeirri sveit, hefur m.a. hljóðritað með henni allar sinfóníur Beethovens og um þann flutning sagði gagnrýnandi New York Times að þar væri komin „hin fullkomna Beethoven-túlkun okkar tíma“. Fyrr á þessu ári hlutu Vänskä og Minnesota-hljómsveitin Grammy-verðlaun fyrir hljóðritun sína á sinfóníum Sibeliusar.Vänskä hefur hljóðritað fyrir sænska forlagið BIS um áratugaskeið, meðal annars tvo hljómdiska með Sinfóníuhljómsveit Íslands sem hafa hlotið afbragðs dóma á heimsvísu.
Lesa meira