Fréttasafn: 2023 (Síða 2)

Hljóðfæraleikarar Sinfóníuhljómsveitar Íslands samþykktu í lok síðustu viku að boða til verkfalls, en kjaradeilunni var vísað til ríkissáttasemjara í júní. Fyrsta vinnustöðvunin er fyrirhuguð 28. september en verið er að leita allra leiða til að ekki komi til verkfalls.

Auglýst er eftir þátttakendum í Hljómsveitarstjóraakademíu Sinfóníuhljómsveitar Íslands starfsárið 2023-2024. Námskeiðið verður haldið frá sunnudeginum 3.03.24 til og með miðvikudeginum 6.03.24. Umsóknarfrestur er til kl. 13:00 mánudaginn 30.10.23. Í kjölfarið verður umsækjendum tilkynnt í pósti hverjir hafi komist að.

Hátt í 1.700 nemendur úr elstu hópum leikskóla og 1. og 2. bekk grunnskóla heimsóttu Sinfóníuhljómsveit Íslands á tvennum skólatónleikum í Eldborg í dag

Í dag kom út platan A Prayer To The Dynamo hjá útgáfunni Deutsche Grammophon með tónlist Jóhanns Jóhannssonar í flutningi Sinfóníuhljómsveitar Íslands undir stjórn Daníels Bjarnasonar. Ásamt titilverkinu er þar að finna tvær svítur út kvikmyndunum Theory of Everything og Sicario en Jóhann var einmitt tilnefndur til Óskarsverðlauna fyrir tónlistina í þeim myndum.

Síðastliðinn miðvikudag hóf ný stjórn Sinfóníuhljómsveitar Íslands störf og var þeirra fyrsti fundur jafnframt sjöhundraðasti stjórnarfundur hljómsveitarinnar.

Sigrún Eðvaldsdóttir hefur verið fyrsti konsertmeistari Sinfóníuhljómsveitar Íslands síðan 1998 og fagnar því 25 ára starfsafmæli í ár. Aðdragandi þeirra tímamóta hefur þó ekki verið tíðindalaus og má raunar segja að Sigrún fagni um leið ákveðinni endurfæðingu í starfi sínu: Að hafa komist aftur til fullrar heilsu eftir að hafa lent í slysi sem hefði getað bundið enda á ferilinn.

Nýr diskur Sinfóníuhljómsveitar Íslands ARCHORA /AION sem kom út hjá Sono Luminus í lok sumar með verkum Önnu Þorvaldsdóttur hefur fengið frábæra dóma í heimspressunni. BBC Music Magazine gaf disknum 5 stjörnur af 5 mögulegum og the New York Times valdi diskinn á lista með fimm áhugaverðum klassískum plötum sem vert er að hlusta á.

Kæru tónleikagestir.

Sérhvert starfsár Sinfóníuhljómsveitar Íslands er litríkur vefnaður þar sem óteljandi þræðir koma saman. Það er ótrúleg tilfinning þegar hver þráður ratar á réttan stað og til verður starfsár þar sem hljómsveitin fær að blómstra í samstarfi við framúrskarandi listafólk úr ýmsum áttum, áheyrendum til gleði og upplyftingar.

Stjórn Sinfóníuhljómsveitar Íslands lét af störfum 31. júlí síðastliðinn. Stjórnina skipuðu Sigurður Hannesson, formaður, Herdís Þórðardóttir, Oddný Sturludóttir, Friðjón R. Friðjónsson og Hávarður Tryggvason. Sinfóníuhljómsveit Íslands þakkar stjórnarmeðlimum fyrir vel unnin störf.